Ruta polos socalcos de Belesar


5.393 visitas – 1 estrela2 estrelas3 estrelas4 estrelas5 estrelas (2 votos, media: 3.50 de 5)
Loading...
O percorrido que fixemos está inspirado nun itinerario do usuario jesussimon, que ten colgado da web de Wikiloc. Por se alguén non o sabe, neste sitio web compártense as rutas de diferentes camiñantes e sendeiristas, ciclistas… de todo o mundo, con descricións, mapas, fotos, comentarios… sen dúbida un bó recurso para todos nós.

Transcorre toda a ruta polo concello de Taboada e lévanos por paisaxes rurais típicas, carballeiras e soutos ata o encoro de Belesar, onde veremos as zonas de viñedos. Nas ribeiras do encoro de Belesar prodúcense distintas variedades de uva, todas de grande estima, sendo a mencía a máis abundante. As augardentes multivarietais, dentro da denominación de Portomarín, conseguen unha alta calidade.

No ano 1963 remataban as obras do embalse de Belesar, e coma consecuencia dese acontecemento pecharon as comportas do muro de contención, cortando o paso das augas do río Miño; entón, o nivel das mesmas comezou a subir e subir, ata acadar a altura previamente establecida. Progresivamente, ese xigantesco encoro foi anegando todo, as casas de tantos lugares, frondosos vales e viñedos, igrexas, capelas, pontes, fornos, muíños e tantas e tantas cousas máis. Cantas ilusións, canta afectividade foron anegadas para sempre!

Unha vez máis o capital que, sen sentimentos como ocorre sempre, rexeita o valor afectivo e aniquila aos que menos teñen… tantas e tantas familias, vítimas do progreso. Para as grandes empresas a degradación do medio ambiente non existe! A través da historia da humanidade nunca tanto se falou do medio ambiente coma agora, e xamáis se atentou tanto contra el.

E como vedes, fomos no outono, a mellor tempada para facer a ruta, polas cores das follas case secas dos carballos, castiñeiros e viñedos. Toda unha gama cromática para disfute da vista. E do padal, pois aínda houbo quen botou man da uva que ainda quedaban nas cepas… É unha boa ocasión para a xente que queira iniciarse no sendeirismo, e tamén para que as persoas xa iniciadas disfruten dunha relaxante e tranquila xornada nun agradable e fermoso entorno.


Ver Ruta polos socalcos de Belesar nun mapa máis grande



Galería

Ruta polos socalcos de Belesar


3 comentarios en “Ruta polos socalcos de Belesar”

  1. Que guay ¡¡ Que fotos ¡¡ Son realmente preciosas.
    Pena que non atopáramos a algún paisano que nos invitase a probar o mosto desta vendima, jejeje.

    Apertas¡ e grazas polas fotos ¡¡

    Responder

Deixa un comentario

*

Este sitio emprega Akismet para reducir o spam. Aprende como se procesan os datos dos teus comentarios.